ڕاپۆرت (ئامانج جمعە ـ پایان پێشڕەو)
لەنـاحیەیی تەقتـەق دوو کارمەندی تەندروستی بەناوەکانـی
(غەمبار جەوهـەر ـ یاریدەدەری پزیشک) و (زانا ئەنـوەر ـ کارمەندی نەخۆشخانـە) بەئامانجـی سودمەندبوونـی زۆرتریـن کەس لە زانیـاری و ڕێنمای فریاگـوزاری سەرەتایـی وانە دەڵێنەوە.
غەمبار جەوهەر ی.پزیشک کەهاوکات کارمەندی بەشی فریاوکەوتنی نەخۆشخانەی تەقتەق بە ماڵپەڕی قەزای تەقتەقی ڕاگەیاند:ـ بەئامانجی سودمەنبووی زۆرترین کـەس لە (قوتابخانەو فەرمانگـەو شوێنەگشتیەکـان) وانەی فریاگـوزاری سەرەتـای دەڵێینەوە بۆ ئەوەی لەکاتـی هەر ڕووداوێکـی (خنکا و کەوتنەخوارەوە و زامداربـوون هتـد...) پێشگەیاندنـی بە پـزیشک و نەخۆشخـانە (فریاگـوزاری سەرەتایـی) بۆ کەسـی بەرکەوتووبکـرێت و بەشێوازێکـی دروسـت مامەڵەی لەگـەڵ بکـرێت بۆ ئـەوەی بەدوربێت لەگیـان لەدەستـدان و خراپترکردنـی ڕەوشی کەسەکـە.
غەمبار ووتیشی :ـ کارەکەیان بەهاوکاری بەڕێوبەرایەتـی گستی تەندروستـی کۆیە و نەخۆشخانـەی گشتـی تەقتـەق ئەنجامداوە و ماوەی سێ ڕۆژە بەردەوامن وابڕیارە هەفتەی داهاتووش بەردەوامبن.
زانا انور یاریدەدەری پزیشک وکارمەندی تەندروستیە و هاوکارە لەوتنەوەی وانەکان بۆ(ماڵپەڕی قەزای تەقتەق) ووتی :ـ ماوەی سێ ڕۆژە بەردەوامین لەوتنەوەی وانەکان تا ئێستا لە سێ شوێنی جیاواز وانەکانمانووتۆتەوە و لەچەند ڕۆژی ئایندەش بەردەوامبدەبین بەئامانجی سودمەندبوونی زیاتری خەڵکی سنورەکە.
زانا خۆشحاڵی خۆشی دەربڕی بەوەی کەبۆیەکەمجارە لەشارەکە ئەوکارە ئەنجامدەدەن کەوێڕای پرسیارکردنی بەشداربووان دەست خۆشیان هەیەو کارەکەیان بەرزنرخاندووە.
وێنە
وێنەکان وەرگیراوە لە: hawkar ali