وێنە.. شانۆکارێکی تری کۆیە دژ بە خراپی ڕێگا و بانەکان ناڕەزایی دەردەبرێت

شانۆکارێکی تری کۆیە لەسەر خراپی ڕێگای نێوان هەولێر – کۆیە وەکو کەسێکی مردوو بە جل و بەرگی سپیەوە لە شێوەی کفن، ناڕەزایی دەردەبرێت.

شانۆکار، ئومێد ڕەزا دانیشتووی کۆیە  ڕاگەیاند" لەسەر ڕێگای کۆیە ـ هەولێر بەم شێوازە دەنگی خۆم دەگەیەنم بەرامبەر بە ڕێگای مەرگ، چونکە ئەو ڕێگایە بەهۆی زۆری ڕووداوەکانی هاتوچۆوە بووە بە ڕێگای مردنی ئازیزانمان".

نمایشی ئەو شانۆکارەی کۆیە لە کاتێکدایە دوو ڕۆژ لەمەوبەر بەهەمان شێوە شانۆکارێکی تری شاری کۆیە بە قوڕ بەسەرخۆداکردن ناڕەزایەتیەکانی خۆی سەبارەت بە زۆری ڕووداوەکانی هاتوچۆ لەو ڕێگایە خستەڕوو .

بەوتەی بەڕێوەبەری هاتووچۆی کۆیەشلە دوای ڕووداوەکانی ١٦ ئۆکتۆبەر،  کە نزیکەی هەشت مانگ دەبێت، زیاتر لە ١٥٦ ڕووداوی هاتوچۆ ڕویانداوە کە بەهۆیەوە ١١ هاوڵاتی گیانیان لەدەستداوە و ٢٠٣ هاوڵاتی تریش برینداربوون.

source - NRT

به‌ وێنه‌.. زینده‌وه‌رێك ته‌نگ به‌ هاووڵاتییانی كه‌ركووك هه‌ڵده‌چنێت

ژماره‌یه‌ك هاووڵاتی نیشته‌جێی پارێزگای كه‌ركووك، 
باس له‌ په‌یدابوونی زینده‌وه‌ر (حه‌شه‌راتێك) ده‌كه‌ن، كه‌ به‌سه‌ر پێستی
 هه‌ر كه‌سێكدابڕوات، دووچاری سووتانه‌وه‌ و خورشتی ده‌كات.

وێبسایتی سۆمه‌ریه‌ نیوز، بڵاویكردووه‌ته‌وه‌، یه‌كێك له‌ دانیشتووانی 
باشووری پارێزگای كه‌ركووك، به‌ناوی (قه‌یس ئه‌حمه‌د) رایگه‌یاندووه‌،
 په‌یدابوونیئه‌و زینده‌وه‌ره‌ نامۆیه‌ و پێشتر نه‌بینراوه‌،

ئاماژه‌ به‌وه‌ش ده‌كات، ته‌نها به‌ رۆیشتن به‌سه‌ر جه‌سته‌ی مرۆڤ،
 پێسته‌كه‌ی تووشی هه‌ستیاری، خورشت و سووتانه‌وه‌ ده‌كات.

ئه‌و هاووڵاتییه‌ ده‌ڵێت: "خه‌ڵكه‌كه‌ ترسیان لێنیشتووه‌ له‌وه‌ی ئه‌و زینده‌وه‌ره‌ 
ببێته‌ هۆی گواستنه‌وه‌ی نه‌خۆشی دیاریكراو،
 تا ئێستاش ناشزانین چییه‌، چونكه‌ پێشتر نه‌بووه‌ و نه‌بینراوه‌".

داواش ده‌كه‌ن فه‌رمانگه‌ په‌یوه‌ندیدار و ته‌ندرووستییه‌كانی كه‌ركووك
 رێكاری پێویست بۆ قه‌ڵاچۆكردنی ئه‌و زینده‌وه‌ره‌ بگرنه‌به‌ر و 
چاره‌سه‌ری ئه‌و گرفته‌ بكه‌ن.

به‌ گوێره‌ی گوته‌ی یه‌كێكی دیكه‌ له‌ هاووڵاتییه‌كان، 
ده‌ركه‌وتنی زینده‌وه‌ره‌كه‌ به‌ شێوه‌یه‌كی له‌ ناكاو بووه‌.

بە وێنە... ئێران بەنداوی دوكان بەتاڵ دەكات

بەهۆی گرتنەوەی ئاوی زێی بچووك لە لایەن وڵاتی ئێرانەوە، بەنداوی دوكان كە بە یەكێك لە سەرچاوە گرنگەكانی بەرھەمھێنانی كارەبا و سامانی ماسی و كشتوكاڵی ھەرێمی كوردستان ھەژمار دەكرێت، بەشێوەیەكی بەرچاو ئاستی ئاوی بەنداوەكە دابەزیووە و خەڵكیش بە نیگەرانییەوە لەو ھەنگاوەی ئێران دەڕوانن. 

وێنه‌كان

Source - Kurdistan24

ئه‌م وێنه‌یه‌ی ته‌ق ته‌ق بووه‌ جێی باسی خه‌ڵكی له‌ تۆره‌كۆمه‌ڵایه‌تیه‌كان

وێنه‌ی هه‌وره‌بروسكه‌كه‌

دوای ئه‌وه‌ی شه‌وی ڕابردوو (21/5/2018) فۆتۆگرافه‌ر (بۆتان حتام) له‌ په‌ڕه‌ی تایبه‌تی خۆی له‌تۆڕی كۆمه‌ڵایه‌تی فه‌یسبووك وێنه‌یه‌كی بڵاوكرده‌وه‌، بووه‌ جێی سه‌رنجی زۆرێك له‌خه‌ڵكی و له‌زۆرێك له‌په‌ڕه‌كانی تۆڕه‌كۆمه‌ڵایه‌تیه‌كان بڵاوكرایه‌وه‌

له‌وێنه‌كه‌دا ده‌ركه‌وتووه‌ كه‌ هه‌وره‌ بروسكه‌كه‌ی شه‌وی ڕابردوو له‌ئاسمانی ته‌ق ته‌قدا له‌شێوه‌ی ناوی (محمد)دا ده‌ركه‌وتووه‌، ئه‌مه‌ش بووه‌ جێی باسی خه‌ڵكی له‌تۆره‌كۆمه‌لاتیه‌كاندا 

بروسك – Lightning بریتییه‌ له‌ده‌ركه‌وتنی رووناكییه‌كی له‌ناكاوو زۆر به‌هێز له‌ئاسماندا، له‌ده‌ره‌نجامی به‌رییه‌كه‌وتنی نێوان دوو بارسته‌ هه‌ور ده‌بێ، كه‌ یه‌كیان هه‌ڵگری بارگه‌ی موجه‌به‌و ئه‌وی دیكه‌شیان سالب‌ و له‌كاتی لێكدانیاندا، بروسكاییه‌كی به‌هێزی ڕووناكی لێده‌كه‌وێته‌وه‌و خێرا ون ده‌بێت.

پ.پ

چه‌ند وێنه‌یه‌كی 360پله‌ی ته‌ق ته‌ق

چه‌ند وێنه‌یه‌كی 360پله‌ی شارۆچكه‌ی ته‌ق ته‌ق پێشكه‌شه‌ به‌ئێوه‌ی خۆشه‌ویست

وێنه‌كان له‌لایه‌ن: پایان پێشڕه‌و گیراوه‌ و به‌رزكراوه‌ته‌وه‌ 

كه‌مێك چاوه‌ڕوان بن تاوه‌كو وێنه‌كان ده‌كرێنه‌وه‌

له‌ ته‌ق ته‌ق خۆپیشاندانێك به‌ڕێوه‌چوو

بۆ ڕه‌تكردنه‌وه‌ی ئه‌و دۆخه‌ ناهه‌مواره‌ی به‌سه‌ر هاوڵاتیانی هه‌رێمی كوردستاندا سه‌پێنراوه‌، له‌ بێ موچه‌یی و نه‌بوونی خزمه‌تگوزارییه‌ سه‌ره‌تاییه‌كان، ئه‌مڕۆ 18/12/2017 له‌ زۆربه‌ی شار و شارۆچكه‌كانی هه‌رێمی كوردستان خۆپیشاندان و گردبوونه‌وه‌ی ناڕه‌زایی سه‌ری هه‌ڵدا،


  له‌ شارۆچكه‌ی ته‌ق ته‌قیش خۆپیشاندانێك به‌ڕێوه‌چوو له‌لایه‌ن هاوڵاتیانی ئاسایی و مووچه‌خۆران، كه‌ داوای دابەشکردنی مووچە و دابینکردنی خزمەتگوزارییەکان دەکەن، له‌گه‌ڵ ئه‌وه‌شدا داوا ده‌كه‌ن هاتوچۆی بارهه‌ڵگره‌كان ڕابگیرێت یاخود ئه‌و بڕه‌ پاره‌یه‌ی له‌ بارهه‌ڵگره‌كان وه‌رده‌گیرێت بۆ خزمه‌تگوزاری شاره‌كه‌ خه‌رج بكرێت.

خۆپیشانده‌ران هاتوچۆی ڕێگای پردی ته‌ق ته‌قیان داخست كه‌ له‌ئێستادا ڕێگای سه‌ره‌كی نێوان ( هه‌ولێر - كه‌ركوك)ه‌،

(نوێنه‌رانی خۆپیشانده‌ره‌كانی ته‌ق ته‌ق)  داوایان له‌ ئیداره‌ی شاری ته‌ق ته‌ق و به‌رپرسه‌ په‌یوه‌ندیداره‌كان كرد كه‌ داواكاریه‌كانیان جێبه‌جێ بكرێت،

ئه‌مه‌ی خواره‌وه‌ ده‌قی ڕاگه‌یه‌ندراوه‌كه‌یه‌: 

وێنه‌:

چه‌ند وێنه‌یه‌كی ئه‌مڕۆی خۆپیشاندانه‌كه‌ی ته‌ق ته‌ق

                                         ڤیدیۆی خۆپیشاندانی ئه‌مرۆی ته‌ق ته‌ق 

لە تۆڕە کۆمەڵایەتییەکان کارێکی "قێزەون" بەرامبەر ئەم کچەی خەڵکی کۆیە کراوە، وێنەکانی ببینە

گۆیژە بەو هیوایە بوو کە بە دەرکەوتنی لە سۆشیال میدیا و میدیاکاندا ببێتە هیوایەک بۆ کەسانی خاوەن پێداویستی تایبەت تا پێیان بڵێت کە ئێمەش توانامان هەیە و دەتوانین بە ئاسایی بژین و بە خەونەکانمان بگەین بەڵام لەلایەن هەندێک لە پەڕەکان و بەکارهێنەرانی ئەم تۆڕانە قێزەونترین کاری بەرامبەر دەکرێت وەک خۆی باسی دەکات.

گۆیژە دەربارەی ئەم دیاردە ناشرینەی کە بەرامبەری کراوە لە لێدوانێکی تایبەتیدا بۆ ماڵپەری دواڕۆژی وتی: من هاتم و خۆم دەرخست وەک کچێکی خاوەن پێداویستی تایبەت لە سەر کورسی بۆ ئەوەی بە خەڵکانێک بلێم کەسانی سەر کورسی خاوەن هێز و توانایەکی بێوێنەن و دەتوانن ببن بە هەموو شتێک و لە هەمو پلە و پۆست و بەهرەیەکدا رۆڵ بگێڕن،  بەڵام بەداخەوە کەسانێک پەیا بوون کە هیچ واتاییەکیان بۆ مرۆڤ بوون نەهێشتووە،  دەیان جنێو و قسەی بریندارکەر و هەرەشە بەمن دەکەن.

وتیشی: بەڵگەم لایە کە نامەم بۆ دەنێرن و لە پەیجەکاندا و بەشێک لە میدیاکاندا باسم دەکەن و قسەی ناشرینم بۆ دەنوسن.

گۆیژە کە لە چەندین بواردا کاردەکات و چەندین خەڵاتی وەرگرتووە و بەشداری لە چەندین پێشبڕکێدا کردووە ئاماژەی بەوەشکرد: گرنگ نیە تۆ لەسەر قاچت بڕۆی یان کورسی عەقلی مرۆڤ لە سەریدایە نەک لە قاچیدا و ئەگەر عەقلت هەبێ دەتوانی هەموو شتێک بکەی و ئێستا من بومە هیوایەک بۆ ئەوانەی لەسەر کورسین  کە زیاتر لە دوو هەزار کەسی تەنیا لەسەر کورسی فۆلۆی پەیچی منیان کردووە و سەیرم دەکەن و هیوایان بۆ دروست بووە کە دەتوانن بگەن بە ئامانجەکانیان سەرەرای باردوخەکەیان .

وێنە

سەرچاوە - دواڕۆژ

وێنە.. لە تەق تەق جوتیارێک وەک ناڕەزایی نزیکەی ٢٧٠ کیلۆ خەیاری فڕێدا

جوتیارێکی دانیشتووی شارۆچكەی تەق تەق وەک ناڕەزایەتییەک نزیکەی ٢٧٠ کیلۆ خەیاری لەسەر شەقامێک هەڵڕشت و دەڵێت بۆ ٣٠ کیلۆ خەیار هەزار دیناریان پێداوم.

مەڵبەند سەلاح، جوتیارێکی شارۆچكەی تەق تەقە لەبارەی ئەو ناڕەزایەتییەوە بە دیجیتاڵ میدیای ئێن ئاڕ تی ڕاگەیاند "من تازە هاوسەرگیریم کردووە و کرێچیم، ئەمڕۆ ڕۆشتوومەتە عەلوە بۆ فرۆشتنی ٢٧٠ کیلۆ خەیار، بەڵام بۆ ٣٠ کیلۆ تەنها هەزار دیناریان پێداوم".

وتیشی "من لەسەر وەزارەتی ناوخۆ فەرمانبەرم و ئەو موچەیەی کە وەرمگرتووە داومە بە کشتوکاڵ و باخداری، بەڵام ئەوەتا  کە حکومەت ناتوانێت دەستی ئێمە بگرێت بۆ ساغکردنەوەی بەروبومەکانمان".

ئەو جوتیارە دەشڵێت "برایەکم ئەرکی پاککردنەوەی ئەو شەقامەی لە ئەستۆگرتووە و من کاری کارمەندانی پاککەرەوەم قورس نەکردووە".

ساڵانە لەکاتی پێگەشتنی بەروبومە کشتوکاڵییەکان، نرخی ئەو بەروبومانە لە هەرێمی کوردستان هەرزان دەبێت، بەجۆرێک جوتیاران وەک ناڕەزاییەک لەبەرامبەر هاوکاری نەکردنی حکومەت و هاوردەکردنی بەروبومی بیانی بەم شێوەیە ناڕەزایی دەردەبڕن.

                                                 وێنەكان

کۆمەڵێک گەنجی شارۆچکەی تەق تەق دەیان کیلۆمەتر بەپیادە دەبڕن تاوەکو بگەن بۆسەر نزرگەی نەوشێروان مستەفا

ئەمرۆ لە بەرواری 25/5/2017 کاتژمێر(4) بەیانی، (40)گەنجی شارۆچکەی تەق تەق لەهەموو چین و توێژەكان،
 وەك وەفاداریەك بۆ(نەوشێروان مستەفا) ڕێکخەری گشتی بزوتنەوەی گۆڕان بەپیادە بەرێکەوتن بەرەو شاری سلێمانی بۆ سەر مەزارگەی نەوشێروان مستەفا،
بەپێی وتەی سەرپەرشتیاری گروپەكە سبەی هەینی نزیكەی كاتژمێر(10) دەگەن بۆسەر مەزارەگەكە

وێنە

ئەم کچەی کۆیە کە لە خەو هەستا توشی کارەساتێک بوو، کەس بڕوا ناکات

 دواڕۆژ،  زێدان سوبحی

گۆیژە ئەو کچەی خەڵکی کۆیەیە  لە نێوان شەو رۆژێک ژیانی هەمووی گۆڕا، کاتێک لە بەیانیەک لە خەو هەڵسا بینی هەردوو قاچەکانی لەدەست داوە و توانای رۆیشتنی نەماوە ناوبراو بە دواڕۆژی راگەیاند " کە کورسیەکە هاتە ناو ژیانم هەموو شتێک گۆڕا لە ژیانم".

گۆیژە ئێستا بووەتە یەکێک لە مۆدێلەکانی وڵاتی سوید سەرەڕای ئەوەی قاچەکانی لەدەست داوە و توانای رۆیشتنیشی نیە، ناوبراو باسی ئەم حاڵەتە دەگەمەنەی دەکات کە چۆن وای بەسەر هاتووە و بە دواڕۆژی راگەیاند "رۆژێک لە خەو هەستام نەمتوانی بڕۆم پزیشکەکانی سوید زۆر لایان سەیربوو، دوو ساڵ خەریکی دۆزینەوەن بەڵام قەت شتێکی وایان نەبینیبوو بۆیە نەمتوانی هیچ بکەم".

گۆیژە دەربارەی بوون بە مۆدێلیش دەڵێت " 2003 کە کورسیەکە هاتە ناو ژیانم هەموو شتێک گۆڕا لە ژیانم حەزی نوێ و خەونی نوێ لام دروست بوو، مرۆڤ دەتوانێت بە هەموو شێوەیەک جوان بێت،  گرنگی بە خۆی بدات چ بتوانی بروات یان لەسەر کورسی بێت مەبەستی سەرەکیم زیاتر بوو کچانی سەرکورسی بوو، کە زۆربەیان بە داخەوە کە ئەکەونە سەر کورسی پێیان وایە ژیان کۆتایی هاتووە و وەک جاران جوانی نابینن.

وێنە:

کچە شۆخه‌كه‌ى زانکۆی کۆیە دەڵێت "بەهۆی جلەکانمه‌وه‌ لە دەوام توانجم لێدەدەن"

دواڕۆژ،  زێدان سوبحی

کچە مۆدێلی بەناوبانگی کورد راز حەسەن، تەمەن 20 ساڵی کە ئێستا خۆێندکاری زانکۆی کۆیەیە و ماوەی چەندین ساڵە کاری مودێل دەکات و ریکلامی بۆ چەندین کۆمپانیای گەورە کردووە بە دواڕۆژی راگەیاند "خەڵک هه‌ڵه‌ تێگەیشتوون و وا دەزانن کە تۆ مودێل بوویت دەبێت هه‌میشه‌ لەسەر کەتەلۆک بیت و هەندێک جار بەهۆی جلەکانم توانجم لێ دەدەن". 

راز حەسەن،  دەربارەی ئەو رەخنانەی کەلە مۆدێلەکانی کوردستان دەگیرێن لە تۆڕە کۆمەڵایەتیەکاندا بەوەی کە روخسار و جەستەیان گونجاو نیە لە لێدوانێکیدا بە دواڕۆژ دەڵێت "راستە ئەم رەخنەیە زۆر دەگیرێت نەک تەنها بۆ مودێلیش هەر کەسێک کە ناوبانگ بێت یەکسەر سەیری جەستە و روخساری دەکەن، واته‌ هەر دەبێت شتێکی لێ بدۆزنەوە، بەڵام بە بۆچونى من جوانی جەستە یان روخسار مەرجێکی سەرەکی نیە، بەڵکو گرنگ ئەو پەیامەیە کە بەهۆی کاری مۆدێلینگەوە دەیگەیێنیت". 

لە درێژەی قسەکانیدا راز دەربارەی توانج و قسەی خەڵکیش کە ئاڕاستەی دەکرێن لە شوێنە گشتیەکان وتی "بەڵێ توانجی زۆر ئەدرێت،  بەڵام بە هه‌ڵه‌ تێگەیشتوون وا ئەزانن کە وتیان تۆ مودێلی هه‌میشه‌ دەبێت لەسەر کەتەلوک جل بپۆشى،  زۆر جار کاتی تاقیکرنەوەکانە من بە پەلە جلێک ده‌پۆشم رادەکەم بوو دەوام،  پێم دەڵێن "بە حساب تۆ مودێلی ئاوا هاتووی"،  منیش ده‌ڵێم: نا پێویست ناکا كه‌ مۆدێل بویت هه‌میشه‌ له‌سه‌ر كه‌ته‌لۆك بڕۆیت".

وێنە: