لە خۆپیشاندانەکانی رۆژی سێشەممەی قەزای کۆیە 17 بارەگای حیزبی و حکومی سووتێنراون، قایمقامی کۆیەش دەڵێت "هەموو هەنگاوەکانمان بۆ ئەوەیە بارودۆخەکە کۆنترۆڵبکەین، ئەوانەیشی هەوڵی گێرەشێوێنی دەدەن دەبێت لەڕێگەی یاساوە رووبەڕووی سزا بکرێنەوە".
خۆپیشاندانەکەی کۆیە هەر زوو گرژی و ئاڵۆزی تێکەوت، بەشێک لە خۆپیشاندەران ناڕەزایی و تووڕەی خۆیان بە سووتاندنی زیاتر لە 17 بارەگای حیزبی و حکومی لە سنووری کۆیە دەرکرد.
خۆپیشاندەران بە سووتاندنی باڵەخانەی قایمقامییەتی قەزاکە دەستیانپێکرد، دواتریش بارەگا حیزبییەکانی کۆیە، خۆپیشاندەران چووبێتنە پێش هەر بارەگایەکی حیزبی دەستاین لێ نەپاراستووە و یان دەیسووتێنن یان بەردبارانی دەکەن.
بەهۆی بەردهاویشتن و تەقەکردن لەخۆپیشاندانەکەی کۆیە 17 کەس برینداربوون.
جگەلە مەڵبەندی یەکێتی لە کۆیە بەهۆی رێگری هێزەکانی ئاسایشەوە نەتوانرا بووستێنرێت، باڵەخانەی قایمقامییەت و بارەگاکانی گۆڕان، یەکگرتوو و پارتی سووتێنران.
لە شارۆچکەی تەقتەقیش باڵەخانەی دادگا، تاپۆ، شارەوانی، بنکەی پۆلیس، فەرمانگەی کارەبا، پۆستە و گەیاندن، سەنتەری گەنجان، بارەگای پارتی، یەکێتی و گۆڕان سووتێنران.
سەرکەوت رەسول، قایمقامی کۆیە بە تۆڕی میدیایی رووداوی راگەیاند " ئێمە هەموو هەوڵێکمان بۆئەوەیە کە خۆپیشاندانەکان کۆنترۆڵبکەین و چارەسەری دۆخەکە بکەین، دەمانەوێت خۆپیشاندەران و گێرەشێوێنانیش لەیەکدی جیابکەینەوە، ئەوانەیشی هەوڵی گێرەشێوێنی دەدەن دەبێت لەڕێگەی یاساوە رووبەڕووی سزا بکرێنەوە".
هێزێکی زۆری پۆلیس و ئاسایش بۆ هێورکردنەوەی دۆخی کۆیە لەو قەزایەن، هەرچەندە بڵاوە بە خۆپیشاندەران کرا، بەڵام توڕەیی بەشێکیان هێشتا دانەمرکاوەتەوە، بەرپرسانی کۆیە دەڵێن، رەنگە خۆپیشاندانی خەڵک رۆژانی داهاتووش بەردەوامبێت.
ڕووداو - کۆیە
هاوبه‌شیكردنی بابه‌ت
بابه‌تی په‌یوه‌ندیدار
به‌هۆی بارانه‌وه پرۆژه‌ی ئاوی ته‌ق ته‌ق - كۆیه له‌كاركه‌وتبه‌هۆی بارانی به‌خوڕ و زیادبونی ئاوی زێی بچوكه‌وه، پرۆژه‌ی ئاوی ته‌ق ته‌ق-كۆیه 
شه‌پۆلێكی باران بارین ڕاگه‌یه‌ندرابەڕێوەبەرایەتی گشتی کەشناسی و بوومەلەرزەی عێراق ئاماژە بۆ ئەوە دەکات کە لەناوەڕاستی هەفتە
لاهور شێخ جەنگی: خەڵكی تەقتەق 31 ی ئابی بیرناچێتەوە كە دەستدرێژی شەرەفی تێدا كرائەمرۆ بەمەبەستی ناساندنی كاندیدانی یەكێتی نیشتیمانی كوردستان كۆبونه‌وه‌یه‌كی جه‌ماوه‌ری ل
تەقتەق: بایکۆت و مانگرتنی تەندروستکاران بەردەوامەله‌گه‌ڵ ڕاگه‌یاندنی دابه‌شكردنی مووچه‌ی مامۆستایان و كارمه‌ندانی ته‌ندروستی و پزیشكان، كا
:)
:(
hihi
:-)
:D
=D
:-d
;(
;-(
@-)
:P
:o
:>)
(o)
:p
:-?
(p)
:-s
(m)
8-)
:-t
:-b
b-(
:-#
=p~
$-)
(y)
(f)
x-)
(k)
(h)
cheer